₱4,086,000.00 Livelihood Grant for Prosperidad

🎉 USWAG PROSPERIDAD! 🎉

Mapasalamaton ang LGU Prosperidad, ubos sa lig-on nga liderato ni Municipal Mayor Frederick P. Mellana, sa DSWD Caraga pinaagi sa Sustainable Livelihood Program (SLP) sa paghatag ug ₱4,086,000.00 nga livelihood assistance alang sa mga organisasyon sa atong lungsod. Dako usab ang among pagpasalamat kang PDO II Ma’am Donna Plaza Vergara, nga nahimong instrumento aron madawat sa Prosperidad kining mahinungdanong suporta alang sa pagpalambo sa panginabuhian sa atong mga katawhan.

Ang DSWD Sustainable Livelihood Program (SLP) usa ka programa nga nagpalig-on sa kapasidad sa mga benepisyaryo pinaagi sa skills training, employment facilitation, ug paghatag og seed capital aron makapasiugda og lig-on ug malungtarong panginabuhian, ilabina sa mga pamilya nga adunay ubos nga kita.

Mga benepisyaryong proyekto:
📍 Poblacion – Eco-Tourism Services – ₱900,000.00
📍 San Lorenzo – Tugunan Tourism Enhancement – ₱900,000.00
📍 San Vicente – Chicken Egg Production – ₱900,000.00
📍 San Vicente – Dry Goods Trading – ₱200,000.00
📍 La Union – Chicken Egg Production – ₱493,000.00
📍 Magsaysay – Tilapia Production – ₱493,000.00
📍 Patin-ay – School Supplies Enterprise – ₱200,000.00

Dugang pa niini, mapasigarbohon usab nga gipahibalo ni Mayor Frederick P. Mellana nga ang Land Bank of the Philippines magtukod na ug branch sa Lungsod sa Prosperidad. Kini usa ka dakong kalamboan nga magpasayon sa pag-access sa banking services, magdasig sa negosyo ug pamuhunan, ug makapadasig sa lokal nga ekonomiya. Siguradong dako ang kaayohan niini alang sa tanang Prosperidadnon.

Ang MSWDO Prosperidad nagpasalamat usab sa makanunayong suporta ni Municipal Administrator Richel B. Tumulak, sa atong mga Punong Barangay, mga partner agencies, ug sa atong LGU SLP Workers nga walay hunong sa pagtabang sa pag-andam ug pagkompleto sa tanang kinahanglanong requirements aron mahimong malampuson ang implementasyon sa programa.

Padayon kitang magtinabangay alang sa mas lig-on nga panginabuhian, mas buotan nga panggamhanan, ug mas mauswagon nga kaugmaon.

DIO: MIGRA ARIANNE T. REAMBONANZA

USWAG PROSPERIDAD!